ക്യാൻസർ പോലുള്ള മാരകമായ അസുഖങ്ങളാൽ തിരുവനന്തപുരത്തേക്ക് ചികിത്സക്കായി എത്തുന്ന നിരാലംബരായ രോഗികൾക്കും , കൂട്ടിരിപ്പുകാർക്കും സഹായഹസ്തവുമായി പ്രവർത്തിക്കുന്ന അഭയകേന്ദ്രം ചികിത്സാകാലയളവിൽ അവർക്ക് സൗജന്യമായി ഭക്ഷണവും താമസവും പ്രദാനം ചെയുന്നു . 2013 മെയ് 9 ന് കേരള മുഖ്യമന്ത്രി ശ്രീ ഉമ്മൻചാണ്ടി അഭയകേന്ദ്രത്തിന്റെ ഉദ്ഘാടനം നിർവ്വഹിച്ചു .
)
ഭക്ഷണം ഒരുമിച്ചു കഴിക്കുന്നതിനുള്ള മികച്ച സൗകര്യമാണ് ഇവിടുള്ള ഡൈനിങ്ങ് ഹാളിൽ ഉള്ളത് . ഭക്ഷണം പാകം ചെയ്യുന്നതിനുള്ള എല്ലാ സുരക്ഷാ മാർഗ നിർദ്ദേശങ്ങളും ഇവിടെ കർശനമായി പാലിക്കുന്നുണ്ട്.
പ്രശസ്തരായ എഴുത്തുകാരുടെ പുസ്തകങ്ങളുടെ ഒരു സൂചിക വായനമുറിയിൽ തയ്യാറാക്കിയിട്ടുണ്ട്. അതിനാൽ ഇഷ്ടാനുസരണം ബുക്കുകൾ തിരഞ്ഞെടുക്കാൻ സാധിക്കുന്നു
രോഗികൾക്കും അവർക്കൊപ്പമുള്ള സഹായികൾക്കും വിനോദ മാർഗമായി ടെലിവിഷൻ മുറിയും അഭയ കേന്ദ്രത്തിൽ സജ്ജീകരിച്ചിട്ടുണ്ട്
അഭയകേന്ദ്രം മാസംതോറും അന്തേവാസികൾക്കായി പലതരത്തിലുള്ള കൂട്ടായ്‌മകൾ സംഘടിപ്പിക്കാറുണ്ട് . അവരുടെ അഭിപ്രായങ്ങളും ആശയങ്ങളും ഇത്തരം വേദികളിലൂടെ പങ്കുവെക്കപ്പെടുന്നു .
അഭയ , തിരുവനന്തപുരം ഇത് ദൈവത്തിന്റെ സ്വന്തം ഗൃഹം . എന്റെ പ്രണാമം .
ഉദാത്തമായ ഈ സത്പ്രവർത്തിക്ക് തിരുവനന്തപുരം നഗരസഭയുടെ എല്ലാ ആശംസകളും നേരുന്നു
ഈ പുണ്ണ്യപ്രവർത്തിക്ക് നന്ദി പറയാൻ ആഗ്രഹിക്കുന്നു. വാക്കുകൾക്കപ്പുറത്ത്‌ സ്നേഹാനുഭവത്തിന്റെ നിറവിൽ എന്റെ പ്രണാമം .
അഭയ സന്ദർശിച്ചു . സന്തോഷം . രോഗികളെ സന്ദർശിക്കുന്നത് അല്ലാഹുവിനെ സന്ദർശിക്കുന്നത്പോലെയാണ് . അവരെ ശുശ്രൂഷിക്കുന്നത് അല്ലാഹുവിനുള്ള അതി മഹത്തരമായ ആരാധനയാണ് . പടച്ചവന് ഏറ്റവും പ്രിയപ്പെട്ട സുകൃതം . ഇവിടെ താമസിക്കുന്നവർക്ക് എന്നും ഈ വൃത്തിയും വിശാലതയും അനുഭവപ്പെടുമാറാകട്ടെ. നടത്തിപ്പുകാരെ അള്ളാഹു അനുഗ്രഹിക്കട്ടെ . മഹത്തായ സത്കർമ്മമായി സ്വീകരിക്കുമാറാകട്ടെ .
അഭയകേന്ദ്രം സന്ദർശിച്ചു . സന്തോഷം . വൃത്തിയും ഭംഗിയും നല്ല സൗകര്യവുമുണ്ട് . ഈ പരിശുദ്ധി എന്നെന്നും കാത്ത്സൂക്ഷിക്കണം . രോഗികളും അവർക്കൊപ്പമുള്ള താമസക്കാരും വർദ്ധിക്കുമ്പോൾ ഇപ്പോഴത്തെ വൃത്തിയും ഭംഗിയും നഷ്ടപ്പെടാൻ ഇടവരരുത് . അതിനായി താമസക്കാരെയും നിരന്തരം ബോധവത്കരിക്കണം . അള്ളാഹു അനുഗ്രഹിക്കുമാറാകട്ടെ .
അഭയകേന്ദ്രത്തിന്റെ അന്തരീക്ഷത്തിൽ തുടിച്ചുനിൽക്കുന്ന സ്നേഹത്തിന്റെ മഹാപ്രകാശം . അതിന്റെ ഒരു തുള്ളി ഉൾകൊള്ളാനാവുന്നത് ജീവിതഭാഗ്യം . നന്ദി , ആശംസകൾ
